ستستقبلك بإبتسامة واسعة: :"شعر ولا دقن؟".. ثم تنفجر ضاحكة.."ماهو إحنا حلاقين برضه.. بس حلاقين حريمي.."ا
في الغالب ستبدأمعرفتك بهيام بتلك الطريقة.. طريقة شعر ولا دقن..ا
ا
و هي لن تهتم إذا كانت تلك هي مرتكما الأولى أوالمائة للتقابل, فإذا كنتِ آنسة ستقول لكِ "أزوقك يوم فرحك يا رب", و إذا كنت متزوجة ستدعو لك و لإبنتك "أزوقهالِك يوم فرحها يا رب", و إذا كنت مطلقة, فهي قطعا ستحاول إصلاح ذات البين..ا
ا
*تتعودين عليها , ثم لا يمكنك الاستغناء عنها*
ا
ا"عارفة.. أصل أنا مينفعش أشتكي.. هو كمان تعبان و طلعان دينه هناك.. فلو أنا اتكلمت هتبقى لا مؤاخذة مرقعة"ا"
تحدثني عن زوجها الذي يعمل في الكويت.. هي في حدود السابعة أو الثامنة و العشرين.. تزوجت منذ عام و لكنها لم تر خلالها زوجها إلا في الشهر الأول.. لإرتباطه بعقد العمل..ا
ا
ا"عارفة.. أنا أكتر حاجة بحبها في الشغلانة دي إيه؟ العرايس اللي بزوقهم.. مش عشان يقولوا بصوا هيام عملت إيه..ولا بصوا شغل هيام مفيش زيه.. بس أما عريسها يبصلها و يحس إنها حلوة قوي.. أنا قلبي يبقى هينط من صدري كده من الفرحة.."ا
ا
في الغالب ايضا ستدخل المحل لتجد خناقة لرب السما بينها و بين صاحبة المحل.. "وحياة أمي لأسيبهالها مخضرة".."هي فاكرة نفسها إيه.." مع الرد المعتاد لمدام صفية صاحبة المحل "الباب يفوت جمل".. "كل واحد ينام عالجمب اللي يريحه..".. لكنني أؤكد لك أنك إذا زرتهما في اليوم التالي.. مبكرا قبل مجيء الزبائن.. ستجدهما جالستان على مكتب مدام صفية تتهامسان ثم فجأة تنفجران في الضحك وسط دخان سجائرهما.. إذا دخلت في تلك اللحظة ستدعوك هيام:" تعالي يا نونو.. بنقول نكت أبيحة.." ثم إنفجار ثاني في الضحك.. أما في الأيام الغائمة.. ففي الغالب ستجدهما جالستان على نفس المكتب و ايضا وسط دخان السجائر, و بعيون شاردة تتحدثان عن حال الدنيا.. و في الغالب ستنهيان كلامهما ب" ياختي بلا هم.. لا اللي اتجوزت مرتاحة.. ولا اللي اتطلقت مرتاحة.." ثم تقوم هيام لتكنس لا شيء من على الأرض.. و تشرد مدام صفية في دخان سجائرها..ا
ا
تحكي لي و في يدها مجفف الشعر و باليد الأخرى الفرشاة:" لا بس أنا مسكتش لإبن الكلب ده.. أول ما حسيت إنه إبتدا يقل أدبه رحت مدياله على وشه و لميت الناس في الميكروباص على أمه.. كان فاكرني هاسكتله إبن ال..."ا
ا
تخبرك بكل هذا ضاحكة ثم تقول لمدام صفية.."أنا هروح النهاردة بدري.. محمد هيكلمني أصله.." ثم همهمة من مدام صفية تعني الموافقة, ثم تستدير لي لتكمل.."هو أنا مقلتلكيش؟ أصلي بروح نت كافيه عشان نشوف بعض صوت و صورة.. هو قاللي إنه أما ييجي المرة الجاية هيشتريلي "كمبيوطر بكامرة" عشان نبقى نتكلم براحتنا و هو مسافر.. بس أنا قلتله نشيل الفلوس لحاجة أحسن.. المهم.."ا
ا
ستخبرك عن أحلامها الصغيرة و هي تزجج لإحدى الزبونات حاجبها:" أهو أنا بحوش دلوقتي عشان أرجعه بسرعة.. يعني إتنين أحسن من واحد برضه.. و أما يرجع و يبقالنا شقة لوحدنا.. هو بيقول عايز يقعدني في البيت".. و تعلو بصوتها في الجزء الأخير لتسمعها مدام صفية, و التي ترد بدورها"لا و النبي..", فتخرج الأخرى لسانها و تقول "لا بس أنا قلت له أنا مقدرش أستغنى عن صفصف حبيبتي.."ا
و عندما تعرفها جيدا.. لن يكون غريبا أن تدخل المحل يوما لتجدها واقفة في منتصفه و بيدها مجفف الشعرو باليد الأخرى سيجارة و هي ترقص على إحدى أغنيات إذاعة الأغاني,, و إذا نظرت لعينيها ربما تلمح إحمرارا.. فتمسحها مسرعة "هي السجاير.. يقطعها"..ا
ا
تلك هي هيام "الكوافيرة" .. بتزوق العرايس و تروح في الميكروباص .. بتشرب سجاير من ورا أبوها .. و تسب دين للي يقل أدبه.. بتنام في أوضة واحدة مع أربع أخوات و تحوش عشان تساعد جوزها.. بتضحك دايما و أما تدمع تلعن أبو خاش السجاير..ا
ملعون أبو السجاير يا هيام..ا
19 comments:
حلو قوي .. تعجبني جدا التفاصيل الحياتيه الصغيره دي
..
اسمحيلي اتابعك
..
شفتى فيلم بنات وسط البلد ؟؟
Hayam..evokes the notion a woman who lives in her own romantic bubble...but here,her bubble is blown out by the reality of this materialistic life...I must confess that I was kinda struck by the style of writing,,,and what she's saying..but quickly I remembered many examples of Hayam..one I know works in the near supermarket..another at my coiffeur..and Hayam el 7'ayata...such Romance of names..cannot survive this reality we're living! your Hayam is a down-to-earth character!
wtgg Nour, dear :))
مش دي البت هيام بنت البواب؟ ولا تكون هيام بنت عم حسن البقال
أو هيام أخت سلامة المكوجي
مش عارف, هي تقريبا كلهم
great post ya nour I enjoyed and loved very word of it
allah 3leki ya bentya gamela :)))
جدعة يا نور
شكلك حتكتبي سيناريو الفيلم اللي جاي لمحمد خان
بجد شبه شخصيات أفلامه
نموذج جيد للطبقه المطحونه
اللى تشمل 90% من المصريين لمده 3 او 4 اجيال فاتوا
بس قدمتيها بسلاسه وباحساس عالى اوى
ملعون ابو السجاير يا هيام
ملعون ابوها يا نور
yaaaaaaaaaaaaah
kalam yewga3 el2alb ya nour,
جميلة جداً.. الاهتمام بالتفاصيل مع مسحة من الحزن، واسلوب سهل ممتنع هو ما يميّزك :)
Haisam,
ميرسي قوي.. تشرفني يا فندم
:)
Anonymous,
لأ والله كان نفسي بس محصلش نصيب
Epitaph,
Did I mention how happy ur visits make me?? :)) Thx my dear friend..
Gazzer,
على رأيك
;)
New Kid,
My pleasure ya gameela :))
Moia,
Enty agmal wallahi ya Moity :))
Film69,
يسمع من بقك ربنا
هيهيهي
Kalam,
:)) متشكرة قوي على كلامك
و ملعون أبو كل حاجة مقرفة
سيد العارفين
W meen 2albo mesh wag3o el yomen dol ya Ibrahim..
Evo,
ربنا يخليكي ليا..أهو أدينا بنحاول
:))
مساء النور
مساء الخير
:)
ya benty visits eh...ana mokeema hena..hahahah.hey..I am a new resident..no compliments !!
waiting for your new , my dear!!! Best of luck!
Tab haty bosa tayeb :PP
loool :D
فى بلدى البنات ..
كل البنات
ماشية و ظابطة ف إيدها الساعات
و قبل مل تقفل بيبان البيوت
و قبل ما ينزل ضلام الحارات
فى بلدى البنات .. بتجرى تروح
و فايتة ف قلبى حاجة تبكّى
و حاجة تفرح
فى بلدى البنات
كل البنات
بتحلم تضوى زى النجوم
بتحلم ترفرف زى الرايات
بتقدر تعاند و تقدر تثور
و لكن ساعات .. كتير م الساعات
دق الساعات .. بيجرح حاجات
و يخنق حاجات
فى بلدى البنات
كل البنات
وردة غرامها ماحدش بيعرف
غيرها مكانها
رايحة و جاية تملِّى بحيرتها
خايفة لا يعرف حد حكايتها
سكوتها كلام
كلامها سكت
و قبل ما تقفل بيبان البيوت
و قبل ما ينزل ضلام الحارات
فى بلدى البنات
كل البنات
بتجرى تروح
كوثر مصطفى
جمييييييييييييييييييييلة يا نور
ميرسي قوي يا ياسر.. ربنا يخليك
:)))
إيه يا عم الحاجات الجامدة دى،تنفع سيناريو فيلم فعلاً
Hola, he tratado de correo electrónico usted en relación con este post, pero aren? T capaz de llegar. Por favor, un e-mail cuando recibe un momento. Gracias.
Post a Comment