Monday, June 12, 2006

حصل خير

يعني.. مش هتحتاج كتير عشان تفهم إن كل اللي سابهولك بياض و فراغ و وسعة.. يمكن هيبقى معاهم شوية وهم.. إنت و حظك بقى..ا
ا
***
ا
طب و إيه يعني أما أنت إديتني وردة دبلانة و أنا شايفاك مخبي ورا ضهرك ورد كتير مفتح.. عادي يعني.. يمكن كنت شايلهم لناس أهم.. فُكك, فُكك
ا
***
ا
طيب.. فاكر يوم ما كنا واقفين على راسنا و رجلينا متشعلقة في الهوا؟؟ فاكر؟ يوم ما قلتلي إنك هتوريني "ورد و فل و ياسمين و فراشات.."ا
ا-"ممم... فراشات ملونة و بترقص؟!"ا
ا-"ملونة و بترقص".. و غرقنا في ضحك مالوش آخر..ا
ا
***
ا
يا سيدنا.. السر في التفاصيل!ا
ا
***
ا
ماهو أصل كل اللي هييجوا بعدك هيقولولي "إنتِ ليه بتخافي تقربي؟".. و محدش فيهم هيفهم لما أقولهم إني أما مرة قربت إنت رجعت عليا بالعربية.. و مكنتش مِدي إشارة ولا مشغل الراجل العبيط بتاع "إنتبه السيارة ترجع إلى الخلف.." فقمت أنا مش واخدة بالي و بططتني على أسفلت الشارع زي بتوع الكارتون..ا
ا
***
ا
أجيبلك من الآخر؟.. السر بيبقى دايما في الدهشة الأولانية.. مجرد ما تروح كل اللي هيتبقالك بعديها مجرد بياض و فراغ و وسعة و يمكن هيبقى معاهم شوية وهم.. إنت و حظك بقى..ا
ا
***
ا
قلبك أبيض..ا

23 comments:

Anonymous said...

2albek abyad ya Nour :)

howa 7ata 7aya7'od el FARA7' (wink wink) wala eh?????!!

Nour..ana alby wage3ny!!

geit 3al gar7 ya gameeel!! :))

wtgg 7abibty!!

howa ana 3alya kam mn el mara ely fatet??! hehehehe

Lasto-adri *Blue* said...

زى اللبن الحليب

arabesque said...

u r right nour
it is all about this precious amazement
the more u r amazed, the more u hold on later on when the disappointing details start accumulating

إبراهيم السيد said...

tab ne3mel eih law kona 3aysheeen min gheer amazement khales, we ka2enik fi film 3araby adeem awy, we kol 7aga 7ases inak DEJA VUE :(

ne3mel eih bas....

3arfa nefsy eih ba3d ma 2areet kol dah, ala2y 7ad a2oloh zay mounir fi elfim(lazem negeeeeb talaga , 3shan ashrab elmaya sa23a we akol elbateekh sa23) .... we ad7ak leghayet ma nemooot sawa

2albik abyad

Unknown said...

albek abyad we fol we yasmen we frahsat so3'nana btor2os :)) ew3i yb2a 3'er keda :)))

santakarim said...

7alwa awy awy ya nour..
ana bat3amel m3ah 3la ano adab fa mosh ha2olk "mosh daiman mabitb2ash ala biad we fra3'" :-))

Maat said...

i like ur style awy. cute...simple...and it touched me deep.

2albik abyad ;)


btw, u've been tagged!

Eve said...

المشكلة أنّ النّاس باتت تظنّ أن القلوب البيضاء ضربٌ من السذاجة. وكم هم مخطئون! لو أنّ الجميع في مثل رقّتك، لكانت الدّنيا مكاناً أجمل للعيش :)

bluestone said...

قلبك ابيض .. بس انا قلب وجعني .. قوي ..
متنشنة ..

AZ said...

:Pانتبه من فضلك السيارة ترجع الى الخلف اللى بيقولها ست الله يفضحك. سلّكى ودانك يا مازمازييل

ماشى الطريق said...

هو برضوه اللى قلبه أبيض
))))))))))

حدوته مصرية said...

انتى هايلة

nuriennium said...

مش عايزين الوهم و كفاية اوي منه البياض و الفراغ و الوسعة... و احنا هنملاهم بعد كدا لما ربك يبعت. دول احسن من عينيه. و... قلبك ابيض يا جميل

Polka Dotted said...

mesh fahma:(
call me and fahemeene :(

Veeeva said...

عجبني موضوع الورد الدبلان ده..بتحصل كتييييييييير

littilemo said...

مش عارف ليه الناس فاهمه غلط

Dina El Hawary (dido's) said...

Helwa awy ya nour ,, and so real ...
نقول إيه بس !! بطلي تيجي على الوجيعة بقا

Nour said...

إلى كل المارين.. بجد انعقد لساني لكلامكم الرقيق.. منحرمش من ونسكم أبدا يا رب
:)))))

روز said...

بلا و لا شي ...كنت باسمعها و انا عمالة اقرا .
الله يسامحك بجد .. جيتى على الجرح
( بياض و فراغ و سعة .. و شوية وهم ) ..الوهم هو اللى كنت عمالة باكلم نفسي و اقولها النهاردة انك كنتى عايشة وهم من صنعك , بلا و لا شي ..
وردة دبلانة , لا ما اداش وردة دبلانة , و لا وردة صاحية !! :(
اتفرجنا على الفراشات الملونة اللى بترقص ؟ .. اتفرجنا سوا عل الفجر , على البحر ساعة الشروق , اتلسعنا سوا ببرد الفجر على بحر غافٍ بيدغدنا بموجاته ,
بلا و لا شي ..
( التفاصيل ) .. اهى هى دى , فضلت تسحرنى تفاصيله لغاية اما جت لحظة الحقيقة : طفلتي , كنتى عايشة وهم من صنعك !
ما عملتيش حساب اللحظة اللى تفوقي منها من كل ده , قلتى هو حلم جميل نعيشه شوية , لكن ما قلتيليش ح اعمل ايه لما افوق منه ؟
ما قلتيليش يا نفسي ح اعمل ايه فى ( الوهم و الفراغ و السعة و الوهم الكتير ) اللى ح اعيشه , و اللى عايشاه حاليا ..
مش حرام عليكى يا نفسي ؟
بلا و لا شي ..
..........
........!

Mamdouh Dorrah said...

كل اللي اقدر اقوله أني بقا لي ساعتين قاعد اسمع زياد علي المدونة بتاعتك و مش قادر افكر ازاي ممكن اعمل مشاويري النهاردة من غير ما تكون الأغنية دي علي
mp4
بتاعي
ميرسي علي زياد
www.mashrabya.blogspot.com

Ahmed Rashwan said...

السر في التفاصيل
السر في الدهشة الأولانية
السر في صندوق مقفول
السر في منديل مليان بدموع لسه منشفتش
السر في بنوتة مبتعرفش تتحضن

Eman M said...

:)
جميلة

NaNni said...

بجد رقيقة موت...فوق الكلام والمعانى..كلام ومعانى تانية خالص