Tuesday, July 25, 2006

هرتلة- أو متاخُدش ف بالك

إن حد يفتح لحد تاني قلبه كأنه بلكونة بيتهم اللي عالبحر.. و يقعد و ياخد راحته كأنه فعلا بيت أبوه اللي عالبحر..ا
هيقعد يشخبط ع الحيطان.. و يقلب الكراسي.. و يطلع قطن الخدديات.. و يفَََّتّح ضرف الدواليب.. مش مشكلة, ما هّو اللي هيقعد في الهيصة دي كلها.. يعني إنت-كصاحب البيت الأصلي- أساسا بتبقى مبسوط إنه لاقي راحته عندك.. و بعبطك تبتدي تفكر إنكو ممكن تفتحوا البيتين على بعض.. على أساس إن إنت كمان تدخل تِمَدد عنده كأنه بلكونة بيت أبوك اللي عالبحر إنت كمان.. بس هو بقى هيطلع ندل قوي و يقولك سلامو عليكو, أصلي معرفتش آخد راحتي عندكو.. هيمشي.. بس إنت هتكتشف إنه ساب حتة من روحه في المكان.. هتقعد تدور زي المجنون على أي حاجة من ريحته.. حاجة كده تقدر تمسكها في إيدك و تعيط عليها يعني.. بس مش هتلاقي غير شبح الروح دي.. شوية و تحاول تنسى, و تبتدي تحاول توضب في المكان عشان يرجع زي الأول تاني.. بس هتكتشف إن الشخابيط اللي عالحيطان أعمق و أكتر من إنها تتشال.. ولا الكراسي راضية تتعدل,ولا الضرف راضية تتقفل.. و قطن الخدديات اتفرفت ميت حتة و حبة منه طاروا وقعوا في البحر.. ساعتها هتحس إنك غلبان قوي.. و إنك متعَّور قوي..ا
ا
ا**هو إنت متغاظ عشان حاسس إنه إتضحك عليك, ولا زعلان عشان قلبك إتنعكش؟!**ا
ا
في أي الحالتين.. نضّفلي مخك بقى و ماتكررش غلطك مرتين.. ماتفتحش قلبك لكل من هب و دب ياخد له تعسيلة فيه.. و إذا -خلي بالك بقول "إذا"- لقيت حد إحتمال إنه يكون أهل إنه يوضب النعكشة اللي جوَّة.. برضه متسيبهوش ياخد راحته قوي.. مش يمكن كمان شوية هو كمان يزهق من التوضيب؟!ا
ا
و نداء أخير للطرف التاني.. يا ريت لو إنت ناوي تمشي قريب تقعد بأدبك بقى و بلاش شغل تانية حضانة بتاعك ده.. يعني الأمور كده هتبقى أسهل كتير..ا
ا
***
ا
حد فاهم حاجة؟!!ا

40 comments:

Moia said...

انا يا نور... :'( انا فاهمه كل كلمه

Doaa Samir said...

و....
):
أنا كمان فاهمة كل حاجة

ALabgr said...

أشرا قــــــــــات


حبيبتــــــي

إن سبيل سعادتكِ يكمن في صفاء معرفتِك ونقاءٍ ثقافتِك ، وهذا لا يحصلُ بالقصص الرومانسيةِ الخياليةِ التي تَجُرُّ القارئَ إلى الخروجِ من واقعه والذهاب بعيداً عن عالمه ، وقد تجدين فيها أحلاماً ورديةً ، وخمرةَ أوهامٍ مسكرة ، ولكنَّ ثمارها إحباطٌ وانفصامٌ في الشخصية ، وكآبةٌ قاتلةٌ

حبيبتــــــي

أهلاً بك .. متعلمـةً مطلعـةً واعيـة راشــدة

أهـلاً بك .. مربيـةً للأبطـال، ومصنعاً للرجـال
****
نعم .. لبسمتك الجميلة التي تبعثُ الحبَّ وترسلُ المودة للآخرين

نعم .. لكلمتكِ الطيبة التي تبني الصداقات وتذهـــب الأحقـــــاد
****
لا .. لصرف عمركِ في التوافه من حبِّ للانتقام ومجادلةٍ لا خير فيها

لا .. لإهمالِ الجسمِ والبيت من النظافة ، والروائح الزكية ، والنظام

حبيبتــــــي

كوني كالنخلةِ عاليةَ الهمَّة ، بعيدة عن الأذى ، إذا رُمِيت بالحجارة ألقتْ رطبها
****
هل سمعتِ أنَّ الحزنَ يُعيدُ ما فات ، وأن الهمَّ يُصْلِح الخطأ ، فلماذا الحزن والهم ؟
****
أطفئي نار الحقد من صدرك بعفوٍ عام عن كلِّ من أساء لكِ من الناس

حبيبتــــــي

كوني كالنحلة ؛ تقع على الزهور الفواحة والأغصان الرطبة
****
ليس عندك وقتٌ لاكتشافِ عيوب الناس ، وجمعِ أخطائهم

حبيبتــــــي

نارُ الحسدِ تأكل الجسد ، وكثرةُ الغيرةِ نارٌ مستطيرة
****
كوني بأخلاقكِ أجملَ من البستان

حبيبتــــــي

تفاءلي ولو كنتِ في عين العاصفة
****
كلُّ الناسِ سوف يعيشون ؛ صاحبُ القصرِ ، وصاحبُ الكوخ ولكن من السعيد؟

حبيبتــــــي

المرأة العاقلةُ تحوِّلُ الصحراء إلى حديقة غنَّاء
****
خذي من النسيم رقتَه ، ومن المسك رائحته ، ومن الجبل ثباته

حبيبتــــــي

لا تيأسي من نفسكِ ، فالتحولُ بطيئٌ وستصادفكِ عقباتٌ تخمد الهمة ، فلا تدعيها تتغلب عليك
****
إذا استسلمتِ لليأس فإنك لن تتعلمي شيئاً ، ولن تظفري بالسعادة
****
افحصي ماضيكِ وحاضركِ ، فالحياة مكونةٌ من تجارب متتابعة يجب أن يخرج المرءُ منها منتصراً
****
لا تجعلي من متاعبكِ وهمومكِ موضوعاً للحديث ، لأنكِ بذلك تخلقين حاجزاًَ بينك وبين السعادة
****
لا تُفضي بمتاعبكِ إلا لأولئكِ الذين يساعدونكِ بتفكيرهم وكلامهم الذي يجلب السعادة
****
أفضلُ الكرم وأنقاه يكون من أولئك الذين لا يملكون شيئاً ، ولكنهم
يعرفون قيمة الكلمة والابتسامة ، وكم أناسٍ يُعطُون وكأنهم يصفعون
****
لا تقبلي بوجود مناطق مظلمة في حياتك فالنور موجودٌ وليس عليكِ إلا أن تديري الزرَّ ليتألق

حبيبتــــــي

إن السعادة موجودةُ فيكِ ، ولهذا يجب أن توجِّهي جهودك إلى نفسكِ
****
إننا نحتاج إلى المال لنعيش ، ولكنَّ هذا لا يعني أننا يجب علينا أن نعيش لأجل المال
****
هناك مكانٌ في الصف الأول ، بشرط أن تضعي في كلِّ ما تعملين مزيداً من الإتقان والكمال
****
تعلّمي أن تتعايشي مع الخوفِ وسوف يتلاشى

حبيبتــــــي

اسعدي الآن وليس غداً
****
إذا كنتِ قد ارتكبتِ أخطاءً في الماضي تعلمي منها ثم دعيها تذهب بعد أن تأخذي منها العبرة
****
سعادتُكِ ليست وقفاً على شخص آخر ، إنها في يدكِ أنتِ
****
فكِّري بطريقةٍ إيجابيةٍ متفائلةٍ ، فإذا ساءت الأمورُ في يومٍ ما كان ذلك مقدمةً لمجيء يومٍ آخر قريب ، كله بهجة وسرور
****
سيطري على أفكاركِ تسعدي

حبيبتــــــي

ثقتكِ في نفسكِ تعني إيجاد معنى أكثر لحياتكِ مهما كان عمرك ، والحصول على مزيد من الكسب في هذه الحياة
****
إن القلق النفسي أشد فتكاً من أمراض الجسم
****
عليكِ بالاجتهاد في الوقت الحاضر ، مع عدم القلق حول ما سيأتي في الغد
****
التحسُّرُ لا ينتشلُ سفينةً من أعماق البحار
****
نحن لا نملك تغييرَ الماضي ولا رسم المستقبل بالصورة التي نشاء فلماذا نقتلُ أنفسنا حسرةً على شيءٍ لا نستطيع تغييره
****
قيمة الحياة هي أن يحيا الإنسانُ كلَّ ساعةٍ منها
****
إن الأمس حلم ولَّى وانقضى ، والغد أمل
جميل ، أما اليوم فهو حقيقة واقعة
****
لا تتطلعي إلى الجوانب التعيسة من الحياة ، بل استغلي مباهجها

حبيبتــــــي

ما من عدوِّ لدودٍ لجمال المرأة أكثر من القلق الذي يقربها من الشيخوخة
****
استمتعي باليوم وتمسكي به ، ابحثي عن شيء يمنع وقوع الألم قبل أن يداهمك
****
إن قرحة المعدة لا تأتي مما تأكلين ولكنها تأتي مما يأكُلكِ
****
كُفِّي عن القلق ، تحمَّلي ، واجهي الحقيقة بثبات ، وافعلي شيئاً لتعيشي
****
القلقُ حبيبُ الفراغ

حبيبتــــــي

هناك طريقٌ واحدٌ يؤدي إلى السعادة ذلك هو التوقفُ عن التوجس من أشياء لا قدرة لنا على السيطرة عليها
****
إن المرء لا ينبغي أن يضيِّع نصف حياته في المشاحنات
****
رسِّخي إيمانكِ بعدم وجود المستحيل في الحياة
****
ضعي في خيالكِ دائماً صورة النجاح ودعيها مرسومة في ذهنكِ
****
اطردي صورة الفشلِ ودعيها خارج ذهنكِ
****
الحياة من حولنا بوجهها الجميل النبيل هي دعوة حقيقية للسعادة

حبيبتــــــي

من أسرع رسل السعادة إلى نفوس الآخرين الابتسامة الصادقة النابعة من القلب
****
البسمةُ الكاذبة صورةٌ سافرةٌ من صور النفاق
****
المرأة يمكن أن تحول البيت إلى جنة ، كما يمكن أن تحوله إلى جحيمٍ لا يطاق
****
الجمالُ جمالُ الأخلاقِ ، والحسنُ حسنُ الأدب ، والبهاءُ بهاءُ العقل

حبيبتــــــي

اجعلي من بيتكِ جنةً من السكينة لا ملعبا من الضجيج ، فإن الهدوء نعمة
****
تذكري النجاحات والمفرحات ،وانسيْ المزعجات والمصيبات
****
ما دام الليل ينجلي فإن الألم سيزول،والأزمة سوف تمر ، والشدة تذهب
****
من يزرع الريح يحصد العاصفة
****
قد يندم الإنسان على الكلام ، ولكنه لا يندم أبداً على السكوت

حبيبتــــــي

لكي تكوني جميلة يجب أن تفكري تفكيراً جميلاً
****
إن مقاضاة الناس لا تقع على عاتقنا ،ومن واجبنا ألا نفكر بعقاب الآخرين
****
كوني واثقةً أن السعادة تشبه الوردة المغروسة التي لم تظهر بعد ، ولكنَّ ظهورها أكيد
****
عليكِ أن تبتسمي إذا أردت أن يبتسم لك الآخرون

حبيبتــــــي

ابتسامةُ المرء شعاعٌ من أشعة الشمس
****
البسمة لا تكلِّف شيئاً ، ولكنها تعطي كثيراً
****
تكاد الأشياء التافهة تدفع أكثر الناس حكمةً إلى حافة الجنون
****
سعادة الرجل في ((كلمةٍ)) تخرج من بين شفتي امرأة
****
في موت الأنانية تكمن السعادة الحقة

حبيبتــــــي

إن الإنسان الأكثر سعادة هو ذاك الذي
يصنع سعادة أكبرِ عددٍ من الأشخاص
****
لا تنتظري أن تكوني سعيدةً لكي
تبتسمي، ابتسمي لكي تكوني سعيدة

عشيقتــي زوجتي العزيزة

والآن .... ودِّعي الحزن ، واهجري الهمَّ ، وفارقي منازل الكآبة ، وارتحلي عن خيام اليأس والإحباط ، ولتبدئي حياةً جديدةً لكن سعيدة ، وأياماً أخرى لكن جميلة ، حياةً بلا تردُّدٍ ، ولا قلقٍ ، ولا ارتباكٍ ، وأياماً بلا مللٍ ، ولا سأمٍ ، ولا ضجرٍ حينها ينادي المنادي من على جبل الأمل ، ليهتف بالبشرى أنتِ وأنا أسعد البشــــــــــــــــــر

حنين said...

نور حبيبتي ... هرتلة ده اسمي
دايما كنت يا نور باقول انك بتعبري عنى جدا , يمكن كمان اكتر من نفسي , و مش ح امل انى اقولها تانى و تالت و رابع
هرتلة ... ؟
ايوة انا فهمت , و فهمت أوي لانى عشت نفس التجربة
قعدت ادور على ما بقي من رائحته , و ما يشير الى انه كان موجودا هنا ذات يوم , قعدت ادوّر بجنون , عشان احاول الاقيه ...
معرفتش يا نور
ما وصلتش له
( ساعتها ح تحس انك غلبان أوي )
ايوة .. انا غلبانة اوى , و حاسة بالبرد أوي كمان , زي اللى اترمى فى البحر و لسه مطلعينه
زي اللى كان حيغرق
...
انا زعلانة أوي عشان حاسة ان قلبي اتنعكش .. ما كان مالي ؟ ما كنت فى حالي ...
بلاش شغل تانية حضانة ده , كلهم في تانية حضانة , و كلهم بيوعدوا .. و كلهم بيمشوا ..
انت ليه ح تختلف عنهم ؟
بس كنت تقعد بأدبك , ايه لزمتها النعكشة ؟
....
كان مالي .. ما كنت في حالي
...
بلا و لا شي

Moia said...

nour .... looooooooooooooooooool
fhmany tab3an ;)

Nour said...

Moia,
:(( عارفة يا مويا.. عارفة

Doaa,
:(!طب إيه؟

Alabgr,
بص أنا مش عايزاك تقلق.. بيتعالج إن شاء الله

حنين
إحنا إزاي بقالنا 3 سنين في كلية واحدة و ملاقيناش بعض غير دلوقتي؟!1

Moia,
Mesh 3yza a2olek eny ba3od fel korsy now : loooooooooooooooooooooooooooooooooool

حنين said...

انا برضه بتسائل : ازاى ؟
:)
ياريت نخرج سوا قريب , ماشي ؟
ربنا يخليكى ليا بجد , و ياريت تبقى المرة دى نيتى صافية ,عشان كل ما اقول لحد الكلمة دى يرحل ! او يبعد او يروح ما يجيش !
يا ريت انتى تبقي استثناء !

حنين said...

نور , لسه حالا مكتشفة الاغنية اللى انتى حاطاها
انتى مكشوف عنك الحجاب يا بنتي ؟
ليه الاغنية دى باقي عن باقي الاغاني ؟
ليه بتفكرينييييييييييييييييييي؟
ليه ؟
طب اشمعنى انا اللى تقريبا كل حاجة انتى بتكتبيها بتلاقي عندى صدى ؟
كتبتها من زماااان على الوصلة دى
http://mounthaneen.blogspot.com/2006_07_01_mounthaneen_archive.html
دوري عليها تحت , معرفتش احطها فوق !
*****
كنت بكتبها لناس معينين برضه
ليه كل العذاب ده ؟
يا نور , يا عبقرية زمانك , يا كاتبة الجيل اللى بيفهم , ارحمينيييييي !
طيب ما دام انتى ( مكشوف عنك الحجاب كده ) ممكن تقولى لى الحدوتة ح تخلص على ايه ؟ :(
*****
( يا جريح القلب في ايديك الدوا )
*****
بياض و فراغ و سعة .. و يمكن كمان شوية وهم !
**
ليه يا نور ؟
حبيني و فكري شوي
!

Captain L.J.Silver said...

nice post ! bas howa meen elly bey3`anny da ?????!!!!!!walla heya deeh o3`neyt a ?

Nerro said...

مفهومة و واضحة قوي يا نور

Gazzer said...

e7em..

Epitaph said...

فاهمة؟
طب ولو حاسة؟
نور...لو كنت قريت الكلام ده من اسبوع كدة كنت حبكي
واصرخ و ادور
لكن بلكونة قلبي قفلتها
بالطوب و الاسمنت

كان ممكن الاسمنت يسيح يوم ما اقرا الكلام و الهرتلة دي
لكن دلوقتي الاسمنت نشف خلاص
والحيطة اتبنت
وما حدش حيقدر يعدي ويدخل
لانه من اربع حيطان

خلاص يا نور
الرسالة وصلت

وبعدين فين الخروجة البلوجاتي
:)

littilemo said...

تعيشى وتاخدى غيرها

Nour said...

حنين
والله ما عارفة أقولك إيه.. جنود مُجندة يا بنتي
:)

Captain Long,
Thankie :) the song is by "Ziyad Sa7ab", the lyrics are Salah Jaheen's..

Nerro,
طب أُمال بيعملوا كده ليه لسة
:S

Gazzer,
Dastour w keda y3ny ;)

Epitaph,
شكلك هتتعكشي قُريب يا بنوتة
:P
أنا فاضية على طول ظبطوا حاجة بعد الأسبوع ده بقى
:)

Littlemo,
بُص بقى سيادتك يعني عشان أنا ياما اتفقعت منك
حد و النبي قالك إن أنا المقصودة؟؟؟ و حتى بفرض ده يا ريت متجيش تطبطب بقى و تقرفني.. ماشي؟

MechanicalCrowds said...

This is some powerful stuff... personable, honest, funny, touching, and artsy...

فنجان قهوة said...

احم
مفهوم سيادتك كل حاجة
و الله مفهوم

Aladdin said...

يا ريت حد يفهمنا ايه المقصود بهيدي الهرتلي - على رأي اللبنانية؟!

عوليس said...

ممكن تفتحوا البيتين على بعض
ساب حتة من روحه في المكان..
ساعتها هتحس إنك غلبان قوي..
مش يمكن كمان شوية هو كمان يزهق من التوضيب؟

جميل بجد

Tara said...

فاهمين طبعا بس ما مبين علينا

البوست حلو يا نور من اول لاخر كلمة
:)

Aladdin said...

OK, Tara, let us understand!

Anonymous said...

عن جد ما فهمت البوست يا علاء ؟

Tara said...

Sorry
آخر تعليق كنت أنا
Tara

Rose said...

طبعا فاهمين يا بنوتة

salateenoo said...

للأسف مفيش حد بيمشي ويسيب المكان مرتب زي ما هوه..لازم يسيب وراه فوضى وهرجلة ..والواحد بيقعد فترة عشان يعرف يرتب اللي اتنعكش من جديد...

Romantic Rose said...

متهيألي محدش مش فاهم .. دي الحاجه اللي 99.9% مننا عاشوها بحذافيرها .. بس بجد الله يسامحك يا نور علي تقليب اللي فات و اعادته من جديد مع كل وصف وصفتيه ..
:"(

تسمحيلي اعمل كوبي من لينك البوست ده في ايميل لصاحبتي الانتيم يا نور ؟؟

salateenoo said...

romantic rose:
انتي ليه بتنفي الفهم عن كل اللي كتبوا تعليقات...حتى لو كان حد فهم الموضوع غلط وعلق على اللي هوة فهمه..مفيش مشكلة ...ميتهيأليش اني المفروض أكتب أي بوست وأكتب تحتيها شرح للموضوع اللي انا كاتبه؟؟!!!

مش المفروض ان احنا نصف الناس بعدم الفهم..وننسب الفهم لأنفسنا فقط ..صح ولا إيه ؟

Lasto-adri *Blue* said...

هو إنت متغاظ عشان حاسس إنه إتضحك عليك, ولا زعلان عشان قلبك إتنعكش؟



عن نفسى لو حصل فى يوم انه حصل وحد فكر فى مرة مفتح ذلك الشئ اللى قفله صدى.. وطلع من النوع اللى ينعكش ويمشى

اول حاجة ح تيجى فى بالى انى انسانة مغفلة.. ازاى سهى عليا ونسيت ان فى عيون ساهرة متربصة

لذلك ح كرر فكرتى اليتيمة اللى مغلفة مخى كله من غير سبب واضح
بس ماحدش يستاهل ولا حتى تعسيلة ساعة عصرية
فى فنادق منطورة فى كل حتة
:D

Haitham said...

ما احنا لونخللى قلوبنا ايجار جديد مش تمليك ماكانش ده حالنا .. كان زمان كل واحد ساكن قاعد مقلق وقاعد باحترامه بس نعمل ايه بقى خصوصا لو قلوبنا كبيرة يعني حاجة كدة خمس اود وصالة وعفشة ماية ويطمع فيها:)

Dido's^^^ said...

يخرب عقلك يا نور .. ده وصف عميق جداً للي ممكن يحصل لما الحد إياه بيجي و يمشي فاكر نفسه ما عملش
حاجه و هو نكش كل حاجة


هي الدنيا كلها وجع قلب كده !؟؟؟

Nour said...

Mechanical crowds,
So glad u liked it :))

فنجان قهوة
!! يا ريت.. بجد يا ريت

Aladdin,
Huh?!!

عوليس
ربنا يخليك
:)

Tara,
Thx ya 3arousa :))))

Rose,
أحمدك يا رب
:))

Salateeno,
رومانتيك روز قالت على فكرة عكس اللي إنت فهمته.. ياللا إبقى تعالى دايما
:))

Romantic Rose,
يا أمول إنتِ تأمري مش تطلبي
:))

Lasto-adri,
والله ما عارفة يا بنتي
:S

Haitham,
تسدق والله إنك كنت لسة على بالي قبل ما أقرا الكومنت بتاعك هنا.. سبحان الله بجد
:)

Dido,
شكلها كده يا دينا
:((

AZ said...

المشكله مش فى فتح الباب ولا قفله بالطوب والحجاره.. المشكله فى تقسيم المساحات... اعملى اوده للضيوف وسيبيها مفتوحه على آخرها

Bassma said...

وانا كمان فهمت .. حسيت الاول و بعد كده فهمت

Anonymous said...

عارفة يا نور لسه فى حد دخل قلبى نعكشة ومشى وهو متخيل أنه برىء معملش حاجة خالص والمشكلة أنى كتييييير قوى بتعرض للنوع ده من الناس وعمرى ما بتعلم عبيطة جدا فى الحب بس تعرفى ساعات بحس ان أجمل حاجة فيا عبطى ده

Sarah ElTobgy said...

Hi Nour,
First time for me to write to you..
El post da mesh tabee3y ...
ana mn kotr ta2athory mesh adra akteb 3araby wala english wala ay 7aga khales..
ad eih howa byowga3...
ana msh adra akteb any comment..
I am only asking you to borrow it and post it on my blog with your name..
May I?

Nour said...

Of course u can ya gameel, ana elly sorry 4 the delay.. was away 4 a while keda..

El beit beitek :)))

fatHy said...

أنا
أنا فاهم قوي ومستوعب قوي ومتعوّر قوي
ولا نيش عارف ليه لما نفتح فلوبنا قوي
بتنتور دموعنا ولا تلاقي حد يلمها لنا أو حتى يمسحها من على الخد اللي داب بكا

maged stephen said...

اللى بيحب قوى
لما ينجرح
بينجرح
قوى

Anonymous said...

Looking for information and found it at this great site... » » »

ماشى الطريق said...

اول مرة اقرا البوست ده يا نور
حقيقى أوى و جميل أوى
المشكلة بقى إن فيها ناس بتبقى عايزة تدخليها قلبم و بتبقى عايزة تدخل قلبك
بس من كتر اللخبطة و الفوضى اللى فى قلبك الناس دى ساعات مبترضش تدخل
و ساعات إنتى بتتكسفى تدخليهم
فاهمة حاجة؟؟؟؟

ملك said...

جميل قوى فعلا البوست ده
انت عارفه
ساعات بيتهيألى انه جميل انه حد يدخل و يعمل النعكشه ده
بيحسسنى بالحياه مش عارف ازاى و ببقى مبسوط بالشخابيط اللى على الجدران و بفكر دايما انه كده كده الحياه كانت هاتعدى عليا كويس انه فيه حد عدى جوه و دخل و شاف و نعكش
يعنى انا عاوزه علطول مترتب ليه هوه انا كنت هابيعه بعد كده
لو فضل مترتب على طول هايموت جوه بس النعكشه ده بتسيب ذكريات مؤلمه اينعم بس ذكريات
مش عارف فاهمه قصدى ايه و لا لأ تخيلى معايا لوحه شفافه خالص كل شويه تعدى عليها طبعا جميل جدا و نقى بس بعد فتره خلاص هاطبطلى تقفى قدامها علشان اصلا مفيش حاجه تشوفيها
نفس الشفافيه
تخيلى لو حد جه و قعد يشخبط بس طبعا شخبطه ملونه يعنى كل شخبوطه و ليها لون و طبعا على كلامك ده فالشخبطه هايكون ليها شكل يمكن انت الوحيده اللى بتقدرى تفهميه
لما اللى بيشخبط ده بيخلص و بعد فتره من الفراق
لما تيجى تقفى تانى قدام اللوحه اكيد هاترسم ابتسامه جوه روحك و الابتسامه ده هاتشخبط حته تانيه على اللوحه ده

سيبك من الكلام الغريب اللى انا بقوله ده البوست فعلا حقيقى و جميل قوى