Tuesday, March 06, 2007

5

إيفو مررت لي تاج الخمس أسرار.. إتأخرت أنا عارفة بس المسامح كريم يا إيفو بقى :)ا

(1)

زمان و أنا صغيرة لحد خامسة ابتدائي مثلا كنت على اقتناع تام إن "مناخيري" أكبر مناخير في الوجود.. و كنت ساعات أشبكها بمشبك غسيل على أمل إنها تصغر.. و أقعد باصة في المراية بعد ماشيله و كان يجيلي إحباط فظيع أما أضطر أتنفس و ألاقيها رجعت نفس الحجم تاني

ا

(2)

بتكلم و أنا نايمة.. و بتزيد الحالة دي عندي أيام الامتحانات بضراوة.. يعني مرة بعد ما رجعت من امتحان العربي في الكلية بابا دخل الأوضة عندنا بليل لقاني "بعرب" بصوت عالي.. كلام من نوعية إن الكلمة الفلانية مبتدأ مرفوع حيث إنه....إلخ, و في معظم الوقت الكلام ده بييجي في ريهام أختي.. دايما بندهلها من الصالة و أنا نايمة في الأوضة عشان أقولها كلام من نوعية "إقفلي الديناصور" أو شايفة الحشرة الحمرة اللي في السقف".. أو "الحرب العالمية التالتة قامت ف ودنك"..مع مزيج من الشتائم و إحساس فظيع بالغيظ هو كل اللي بفتكره لما أصحى تاني يوم

ا

(3)

كان نفسي صوتي يصلح للغناء..قدام الناس يعني

ا

(4)

! بعيط في أي كتب كتاب أروحه

ا

(5)

أنا مش مجنونة والله العظيم

:D

17 comments:

Anonymous said...

ممممم فيه حقيقة كدة معينة من دول، مش عارف ليه شاكك فيها قوي.. بس يللا بقى.. صادقة صادقة

Nour said...

مممم يا ترى أنهي واحدة يا عمر.. أنا متحيرة الحقيقة

Unknown said...

The 5 th one of course.
Nice post, for 1 & 2 & 3 we are alike but we differ in 4&5.

Unknown said...

ساعات انادى أمنية وأنا نايمه أقولها "اطفى الشمس" مجانين زى بعض يا حياتى
:D

Anonymous said...

1 وأنا أقول مشابك الغسيل بتروح فيييـن
2 الديناصور: مبتدأ أحمر مرفوع فى السقف فى محل جر رجلك
3 غنى قدام الناس براحتك.. بس ف سرك يعنـى
4 كنت هعزمك على كتب كتاب اخويا.. بس خلاص بقى
5 لا حول ولا قوة الا بالله.. حضر الحقنة يابنـى

Nour said...

Hechkok,
:)

Moia,
آي والله يا أختشي
:D

عم الظبع
يابني أرحمني من الإسم ده أنا كل ما بشوفه بنهار
:D

AZ said...

انا كل يوم تقريبا بصحى على صوت ضحك بابا من اللى بقوله اما بيجى يصحينى
اما بالنسبه لموضوع الغنا فدلوقتى معادش محتاج صوت يا بنتى
نمره خمسه.. على ماما يا نونو؟؟

Anonymous said...

lol!!

la2..Magnoona!

3ala baba ya mama! :P

hesterua said...

موضوع الكلام وانتى نايمة دى كان بيجيلى ايام الأمتحانات والتعب برضه

لدرجة انى لما كنت بقعد يوم كامل فى البحر فى الصيف لما كنت بروح امى كانت بتقولى انى كنت بعوم وانا نايم واحرك درعاتى
))

KING TOOOT said...

عارفة أجمل شيء في البوست ده إيه ؟
إنه صاااااادق إلى حد الجنون و بريء إلى حد الطفولة
تحياتي
KING TOOOT

دينا فهمي said...

عجبني أوي آخر اعتراف

Nour said...

AZ,
;)

Epi,
Kolaha sa3tein w ashoofek fel koleyya.. hatrooi menni fein.. niahahahaaa

Hestrua,
كنت بتكلم مع واحدة صاحبتي إمبارح في الموضوع ده فقالتلي إن أخوها قرا كتاب بيقول إن الناس اللي بيعملوا كده بيبقوا "ملبوسين" ..
Loooooool

KingToot,
ربنا يخليك يا فندم.. و متبقاش تقطع الجوابات يعني
:)

دينا فهمي
:D عجبني أنا كمان

Anonymous said...

عزيزتي نور
مدونتك رقيقة و عالية الشفافية، لو أمكنك زيادة المواضيع المتسقة المتكاملة مثل (التفاصيل الصغيرة) سيمثل هذا إضافة جميلة، شكراً لكتاباتك المميزة

م said...

اول مره ارى فيها مدونتك
التدوينه دى حلوه جدا
والملاحظه الخامسه انا وصلتلها برضه من ال 4 اللى قبلها

Ahmed Rashwan said...

مجنونة إيه يا نور
متقوليش الكلام ده :))ا
دا أنتي ست العاقلين
وبعدين ناس كتير بيحصلهم نفس الحاجات دي بالظبط
***
كان نفسي صوتي يصلح للغنا .. قدام الناس يعني ..
فكرتني بمقالة لنجلاء بدير أسمها (حلم الغناء ) ا

جسر الى الحياة said...

هههههه والله عسل يا نور على فكرة انا باحب اسمك اوى
وشكلى هاحبك انتى كمان تقبلى تحياتى

Anonymous said...

hi! [url=http://esnips.com/web/minnaregina/]Hello. And Bye.
[/url] http://esnips.com/web/minnaregina/ free nude video clips of milfs
thanks!
free nude video clips of milfs