Friday, June 05, 2009

حدوتة




.. الجو كان جميل؛ لا حر ولا برد، والشمس كانت حنينة والسحاب منتوَّر في السما زي غزل البنات.. تمام زي غزل البنات.. وبعدين في الشارع بقى كان كل الناس - اللي راكبين عربياتهم واللي ماشيين على رجليهم والواقفين في المحلات والطالين من البلكونات - كلهم كلهم كانوا مشغلين إذاعة الأغاني، وكان عليها أغنية حلوة قوي لعلي الحجار.. كان عمّال يقول:


ماعرف غير إني لقيت روحي.. ونجيت من همّي ونجيتك

وكإن المزيكا نازلة من السما.. هافّة مع الهوا الجاي من بعيد.. طايرة على جناح اليمام.. والناس بقى كانت كلها بتغني معاه، وكتير منهم كان بيميل مع صوته وهما متبسمين.. كإن الهم زال والحزن راح واختفى*.. كانوا كلهم من الناجيين، وكان على الأرض السلام وبالناس المسرة.. ا



7 comments:

Nour said...

الأغنية: في هويد الليل
جزء من رباعية لجاهين*

نعكشة said...

:)

دية بعد نهاية العالم

لذيذة


مع إني عندي اعتراض على جملة و المزيكا نازلة من السما

بس كل كاتب و ليه حريته

سلام عليكِ

روز said...

وبالناس المسرة..
..
بشرى للعالم، إذن :)

روز said...

وحدوتك حلوة أوي يا نور.. بالأغنية بالناس بالشمس بالنور بكل حاجة .. بجد جميلة أوي :)
..
تسلم ايديكي بصحيح :)
..

www.tadwina.com said...

مرحباً
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/214

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

كلمات said...

So realistically unearthly!

:)

Nour said...

نعكشة
:) شكرًا

حنين
تسلميلي إنتِ وتسلملي تعليقاتك الحلوة يا رُزة
:)

alexandmellia
:))))

كلمات
Yeah, isn't it?! :)