Friday, October 21, 2005

خاطرة

..عارفة إني على طول مقصرة في حقك
..و عارفة برضه إنك لسة بتفرح بيا أما آجي و أدق بابك
.. و بتفتحلي
..على طول بتفتحلي
..مع إني ممكن أكون جايالك عشان عايزة منك حاجة
..و إنت بتكون عارف
..مانت عارف كل حاجة
..كتير قوي مش بيفتكروك إلا أما يكونوا عايزين حاجة
نفعيين؟
يمكن
طمعانين في كرمك؟
كتير
بنحبك؟
أكيد
..و عارفة إنك برضه بتحبنا
..ما هو لو إنت محبتناش و سامحتنا.. مين هيقولنا إنتو فين !؟

7 comments:

free soul said...

I couldn't think of any idea but god!!

how much we forget or be lazy, how much we stay away, but whenever we feel in need, we run to him feeling the guild and shy of going to him, but who else could we move to

KING TOOOT said...

فيه ناس كتير مساكين بيضعفوا زينا
وناس تتوه من هناك وناس تتوه من هنا
وبعد كل ده نطلب العفو و المغفرة
معلش متعشمين أكمنه بيحبنا
KING TOOOT

Hamed said...

حمدلله على سلامتك يانور .. أخيراً افتكرتي نور القمر ..
فعلاً ملناش غيره يانور..وبنحس بده جداً لما نلاقي إن كل حاجة اتقفلت في وشنا ومبقاش فيه أي أمل غير في ربنا بس ..
ياااه يا نور ..ملناش غيره طبعاً !
مستني أقرالك تاني..
ورمضان كريم
:)

Ahmed Shokeir said...

جميل يانوووور

واضح إن شهر رمضان إشتغل

sheryos said...

the weird thing is.. Though we're always sure ALLAH's watching over us... We never stop making mistakes...

And even go crying askin for forgivness....

Bent Masreya said...

هل هلالك يا نور

ربنا يقدرنا ونفتكره دايما

بس انا متأكده ان ربنا بيفرح بينا حتى لو كنا نفعيين

مدحت صاحب الواحة said...

اولا كلامك جميل جدا
او بالاصح احساسك لان دة احساس مش كلام وانتى نقلتى احساسك
بس اعتقد ان اسلوب الحديث دى بتكون سرية شوية بين العبد والرب
بس لما نحب ننشر الحوار دة اعتقد لازم نغير الطريقة شوية
انتى بتتكلمى عن الملك يا نور
بتتكلمى عن العظيم الجبار
اعتقد ان لغة الحوار بينا وبينة متكونش زى طريقة حوارنا مع بعض
زى ما ربنا ليس كمثله شىء يبقى لما نكلمة نكلمة بلغة مش بنتكلمها مع حد
انا اسف بس دة مجرد رأى
ربنا يهدينا جميعا
وكل سنة وانتى طيبة