..عارفة إني على طول مقصرة في حقك
..و عارفة برضه إنك لسة بتفرح بيا أما آجي و أدق بابك
.. و بتفتحلي
..على طول بتفتحلي
..مع إني ممكن أكون جايالك عشان عايزة منك حاجة
..و إنت بتكون عارف
..مانت عارف كل حاجة
..كتير قوي مش بيفتكروك إلا أما يكونوا عايزين حاجة
نفعيين؟
يمكن
طمعانين في كرمك؟
كتير
بنحبك؟
أكيد
..و عارفة إنك برضه بتحبنا
..ما هو لو إنت محبتناش و سامحتنا.. مين هيقولنا إنتو فين !؟
7 comments:
I couldn't think of any idea but god!!
how much we forget or be lazy, how much we stay away, but whenever we feel in need, we run to him feeling the guild and shy of going to him, but who else could we move to
فيه ناس كتير مساكين بيضعفوا زينا
وناس تتوه من هناك وناس تتوه من هنا
وبعد كل ده نطلب العفو و المغفرة
معلش متعشمين أكمنه بيحبنا
KING TOOOT
حمدلله على سلامتك يانور .. أخيراً افتكرتي نور القمر ..
فعلاً ملناش غيره يانور..وبنحس بده جداً لما نلاقي إن كل حاجة اتقفلت في وشنا ومبقاش فيه أي أمل غير في ربنا بس ..
ياااه يا نور ..ملناش غيره طبعاً !
مستني أقرالك تاني..
ورمضان كريم
:)
جميل يانوووور
واضح إن شهر رمضان إشتغل
the weird thing is.. Though we're always sure ALLAH's watching over us... We never stop making mistakes...
And even go crying askin for forgivness....
هل هلالك يا نور
ربنا يقدرنا ونفتكره دايما
بس انا متأكده ان ربنا بيفرح بينا حتى لو كنا نفعيين
اولا كلامك جميل جدا
او بالاصح احساسك لان دة احساس مش كلام وانتى نقلتى احساسك
بس اعتقد ان اسلوب الحديث دى بتكون سرية شوية بين العبد والرب
بس لما نحب ننشر الحوار دة اعتقد لازم نغير الطريقة شوية
انتى بتتكلمى عن الملك يا نور
بتتكلمى عن العظيم الجبار
اعتقد ان لغة الحوار بينا وبينة متكونش زى طريقة حوارنا مع بعض
زى ما ربنا ليس كمثله شىء يبقى لما نكلمة نكلمة بلغة مش بنتكلمها مع حد
انا اسف بس دة مجرد رأى
ربنا يهدينا جميعا
وكل سنة وانتى طيبة
Post a Comment