Saturday, August 05, 2006

*والوقت يمر أثقل من الذنوب

إلى المركز تحملني الحافلة.. إلى أرض مكيفة تقف فيها خواجاية بعينيها الخضر و شعرها الأشقر.. بعيدا عن الإحساس بالذنب و قهوتي الباردة و حيث الطريق ملىء بالبكاء المكتوم حتى الاحتقان.. و لكن وجه هدى اللبنانية الجميل في حزن يعيدني مرة أخرى لأرض الواقع..ا
ا
***
*اماشي بدون قدم.. مسنود على العدم..ا*
حاسبي تُقعي!!!ا
ا
***
النهارده الصبح ركْبِت جمبي ست كبيرة كده.. جيت أدي الراجل جنيه و عشرين قرش.. لقيتها رجعتلي العشرين قرش و مسكت إيدي كده كأنها بتوصيني و راحت قايلالي "خلّي الشلن بتاعك صحيح".. دفعتلي هيّ.. كان هيبقى شكلي عبيط قوي لو إترميت في حضنها وقعدت أعيط و أقولها "أنا متشكرة.. متشكرة قوي ع العشرة ساغ"؟!1
ا
***
*ايا ليل يابو المجاريح.. ماشي في قلب الريح..ا*
ا
ا-طب إنتِ عايزة إيه دلوقتي؟
ا-نفسي أتوه في حتة بعيدة بعيدة و أشوف مين اللي هيلاقيني..ا
ا
***
ا
ا*بيني و بينك أحزان و ي ع دّ و ا
بيني و بينك أيام و ي ن ق ضّ و ا..*ا
ا
أبواق السيارات في ميدان رمسيس تدفعني للجنون.. و نيهال سافرت و لا أحد يقطع عليّ وقت المشوار الطويل الطويل.. "كلاكس كمان و هقف أصرخ في وسط الأتوبيس.."ا
ا
*افينَك؟!ا*
ا
***
هو إحنا زمان اللّي كنا خُفاف ولا هي الأرض دلوقتي اللي بقت تِشِدِّنا؟
ا
العنوان من أولاد حارتنا لنجيب محفوظ*

18 comments:

محمد أبو زيد said...

النهارده الصبح ركْبِت جمبي ست كبيرة كده.. جيت أدي الراجل جنيه و عشرين قرش.. لقيتها رجعتلي العشرين قرش و مسكت إيدي كده كأنها بتوصيني و راحت قايلالي "خلّي الشلن بتاعك صحيح".. دفعتلي هيّ.. كان هيبقى شكلي عبيط قوي لو إترميت في حضنها وقعدت أعيط و أقولها "أنا متشكرة.. متشكرة قوي ع العشرة ساغ"؟!1





جميييييييييييل جدا

Gazzer said...

الشمس مش بعيدة
إحنا إيدينا قصيرين

الحجار

AZ said...

متخافيش.. بكره الارض تدينا بالشلوت ونرجع خفاف تانى ونطير... بس ابقى افتكرى وانتى بتقعى ازاى تقعى زى المحترفين عشان عضمك ماينكسرش

Unknown said...

الله عليكى يا نور :)

salateenoo said...

انا كنت فين لما شيبتي
انا هنت لما انتي هنتي
من تاني اديكي اتولدتي

اللي بناكي مماتتشي
إمشي يا أزميله إمشي
وأنقش جبين الأصيلة


إدين بتحضن إدين
تحيي اللي مات من سنين
والصبر مش إبن ليله

جوة ديوان المظالم
بيحكي محكوم لحاكم
عن الليالي الكحيلة


لنزل سلالمك برجلي
وأطاطي لاجلن أعلي
مش لاجل حيلتي الجليلة

منير

Ghada said...

هو أنا اللي خلاص بقيت كبير؟ ولا الحاجات دلوقت أصغر؟
وجية عزيز
--
بديع يا نور ومُلهم ..
الله ينور فعلا..
واحشاني يا بنت!

Maat said...

هو إحنا زمان اللّي كنا خُفاف ولا هي الأرض دلوقتي اللي بقت تِشِدِّنا؟

Gravity and some other hidden force that pushes us downwards....together they conspire against us!

Beautiful! wtg Nour :)

روز said...

( فينَك )؟
...
بيت ابوه اللى عالبحر ..
...
هو ضرب من الجنون يا نور ان انا ادور علي اى جزء تبقى من ريحته ؟ هو ضرب من الجنون انى افتح الصفحات القديمة و اقلّب فيها يمكن الاقيه ؟
الجنون الحقيقي هو انى ادوّر عليه , و اناديه ..
زمان انا كنت اناديه ما كنش بيرد فى معظم الاوقات
يعنى هو دلوقتى اللى ح يرد ؟ :(
...
***
*ايا ليل يابو المجاريح.. ماشي في قلب الريح..ا*
فعلا يا نور .. رياح الليل الباردة عمالة تلهب الجرح بقسوة , قسوة مبالغ فيها ..
هو جرح عامل زى حفرة كبيرة , مليانة دم و بتوجع أوي , و الالعن انها مفتوحة و الهوا الساقع عمال يعدي عليها !
و الدم نازل ما بيرحمش , بيملى روحي كآبة و سواد و غم
بيفكرني
( على فكرة , انا لو عايزة انسى ح انسى , كل اللى انا عايزاه بايدي )
...
آخر حاجة بقى , هو ضرب من الجنون انى يبقى عندى امل - و لو ضئيل - انه يرجع ؟
:) :(

M. El-Hajj said...

شقايق

Nour said...

محمد أبو زيد
ميرسيييييييييي جدا
:))

Gazzer,
يعني خلاص؟

AZ,
عايزة ابتدي أتمرن بقى.. كفاية كده
:S

Moia,
الله عليك إنتَ يا جميل
:))))

Ghada,
!واحشاني أكتر بجد

Maat,
Allah ye7'reb beit abu el hidden force :S

لورا
والله إحتمال يا لورا يكون جنان.. بس في الحالة دي يبقى "كلنا في الجنان سواء"

Zengy,
أيوة يا ولد!! أمال إنت فاكر إيه؟؟!1

Anonymous said...

نوووووووووووووور

جميلة يا نور ما شاء الله
مش وحشاني علي فكرة
:)))

نيهال؟؟؟ هية نيهال هنا كمان
امسكوهااااااااا
ههههههههه

Anonymous said...

u are tagged ;)

Anonymous said...

ah 3'eir keda :D glad there's another mounirian on the floor :D

freeSoul said...

Nour, how beautiful :)

how are you my friend? hope you are doing fine in this strange life we live

elgharep said...

وبعدين ......أنا ممكن أفهم كل باراجراف على حدة أنما لو جمعتهم على بعض مش هيعنوا شئ
معلش متزعليش منى أنا الى مودينى فى داهية الصراحة
www.elgharep.blogspot.com

Nour said...

Epitaph,
ولا إنتِ حتى وحشاني خالص
:(((

Daisy,
Checked ur cbox & realized what u meant :D

Free Soul,
Mageeeeeeeeeeeeeeeeeeeeeeeeeeed
Mesh msada2a bgad, when did u come back??? 3al 3moum alf 7amdella 3al salama bgad we missed u terribley..

benesba lel strange life, 2adeena m2adeyenha ya Maged wallahi.. 3aysheen y3ny :)

-- said...

بيتك مميز

المرور به يمتعنى نفسيا لحد بعيد

Anonymous said...

Very cool design! Useful information. Go on! » »