Saturday, August 20, 2005

بحبك



...بحبك قوى

..بحبك أما أول حاجة تقع عليها عيني أول ما أصحى رنتك

..بحبك أما تكلمني الصبح و نقعد نقول كلام عبيط

..بحبك أما نبقى متخاصمين و نتصالح

..بحبك أما نقعد نسمع فضل و فيروز و عبد الحليم سوا

..بحبك أما نقول نفس الكلمة في نفس اللحظة

..بحبك أما شكلي بيبقى طالع من تحت قطر و انت لسة بتقولي إني زىالقمر

..بحبك أما بتبقى غيران عليا و بتخبي زي العيال الصغيرة

..بحبك لما نقعد نقول هنسمي ولادنا إيه

بحبك لما بتبقى الحرارة عدت أربعين و بنلف في الشوارع فى عز الضهر و عرقنا مرقنا في الفزبة اللي قلبتها عربيتك
:)

:) و برضه بحبك أما الدنيا تمطر و نجري تحت المطرة مع العيال

بحبك لما الدنيا تكون برد و تقلع جاكتتك و تحطها على كتفي حتى لو رقدت لك بعديها يومين.. (بحبك قوي ساعتها..)000

..بحبك أما ابقى عارفة إنك مفلس و برضه تدفع حسابي

.. بحبك أما بحس معاك إني مفيش حاجة هاماني و ممكن أقول كل اللي يجي على بالي.. و إنت هتحميني

..بحبك لما تجيبلي وردة من غير أي مناسبة

..بحبك لما آخر صوت أسمعه قبل ما أنام يكون صوتك
...

!شفت بقى أنا بحبك قد إيه؟

..!ممكن تفضل تحبني على طول؟

23 comments:

Eve said...

كتير حلوة يا "سميتي"، والمحظوظ أهبل فعلاً إذا ما حبّك عطول :)

santakarim said...

talka2ya gedan, touching...
keep up ..

Pianist said...

اسمحيلي ماعلقش علي الموضوع بس انا عايز اعلق علي البلوج
خفيف جدا وجميل بجد
وعجبني اختيارك لاغنية منير عنيكي تحت القمر

Nour said...

eve, santakarim & pianist:

Thx a lot 4 ur lovely words..u did make my day :)

Lasto-adri *Blue* said...

nour.. u made me wana love ;)

Anonymous said...

انا عندى اقتراح...
سيبك منه, و انا مستعد احبك فى مقابل الكلمتين الى انتى كاتباهم دول ...
قشطه ؟ ؟؟

يا بخته بيكى..

Nour said...

الست لست أدري هانم مشرفاني في بلوجي المتواضع؟؟

يادي الهنا يادي النور :)

sheryos,
أهلا بيك بجد و ابقى تعالى دايما

و مش عارفة اللي هاقوله ده هيبوظ شاعرية الموقف ولا لأ بس هو كله خيال

يعني لا فيه "هو" ولا يحزنون

بس الحاجات البسيطة الصغننة دي بتحصل بجد و هي اللي بتعمل قصص الحب الكبيرة

ده في رأيي المتواضع يعني

أتمنى مكونش بوظتها عليكو :)

Eve said...

لأ، ما بوظتيها ولا حاجة. المشاعر هي الصّادقة وهذا هو المهم. شخصيّاً، ليس من الضّروريّ أن يكون كلّ ما أكتبه قد جرى في حياتي الواقعيّة أيضاً. :-)

Anonymous said...

BTW, he should adore you :)))

Aladdin said...

جميل يا نور، بعض من الأشياء التي ذكرتيها عشتها - حقيقة - بس في حاجات منها بها "روح مصرية" مفروض أننا نتخلص منها (زي موضوع دفع الحساب حتى ولو هوا مفلس!!) فماذا فعلت هي في المقابل؟ سؤال أوجهه لكل بنت مصرية تريد أن يكون "حبيبها" بهذا الشكل...

Nour said...

Merci ya Nerro, bas howa yeegy w b3den rabena y7elaha :D

Nour said...

aladdin,

Thx 4 ur comment bgad.. I realy appreciate it..

بخصوص الحاجات اللي ذكرتها هي و إحقاقا للحق أنا معشتش منها حاجة.. بس طول عمري بحلم بحاجة كدة..يعني و حاساها حاجات بسيطة قوي و صغيرة قوي بس حقيقي بتفرق..

بعدين مالها الروح المصرية يا استاذ علاء :P

ده هي الروح دي أحلى حاجة في الموضوع أصلا..

بعدين رجعنا تاني لحتة التعميم :P

أنا زي ما قلتلك يا علاء قبل كده أنا مش بقتنع بالأحكام العامة.. لأن مفيش إنسان زي التاني.. و بالتالي مفيش علاقة زي التانية..و بالتالي مش قادرة أديك وصف دقيق للي المفروض البنت تعمله عشان "حبيبها" يبقى كده..

بس في رأيي المتواضع لو هما الاتنين "بني آدمين" كويسين و حقيقي بيحبوا بعض مش هتبقى فارقة قوي قصة أنا عملتلك إيه و أنتِ عملتيلي إيه.. يا ريت يكون رأيي وصلك يا علاء..

I realy am happy that I'm having this kind of conversation with u..hoping that u might change ur mind one day ISA..:)

Aladdin said...

لك الشكر الجزيل على الرد الهادي مرة أخرى، أنا برده ضد التعميم لأنني - ببساطة - لا أقبل أن تكون واحدة مصرية "اتقرصت" من أحد الأنذال المصريين بعدين تقول كل الرجال المصريين فيهم العِبَر! بس ألا تتفقين معي أن المسألة أخذت شكل خطر أو - على الأقل - ينذر بوقوعه؟

طبعاً لازم في الأول يكونوا "بني آدمين" طيب السؤال ألم نفتقد إلى الجانب "الإنساني" في علاقاتنا؟ لماذا تصر البنت "المصرية" تحديداً على أن سعادتها تحددها "وزن" الشبكة الدهب أو السوليتير وعدد "أمتار" الشقة اللي سوف تسكنها و"موديل" السيارة التي يملكها العريس المنتظر؟ هذه أسئلة لابد أن توجهها البنت المصرية التي تندب حظها في عدم وجود "العريس" لكن لما يجي تبدأ سلسلة من "التحكمات" و"التعذيب" (النفسي والمالي (الذي يسمينه نحل الوبر) بل ويمكن الجسدي) عشان "يثبت" لها أنه فعلاً بيحبها!!! لماذا التمسك بعادات مثل فانوس رمضان وكعك العيد والعيديات التي لا يمكن بأي حال من الأحوال أن تقل عن مبلغ كذا، وهدية عيد الأم وعيد الحماة وعيد أم الأم إلى أخره من "تعذيب" يمارسه المجتمع السيكوباتي ضد بعضه بعضاً. النتيجة الحتمية هي عزوف الشباب "الكويس" عن الزواج وارتفاع نسبة "العنوسة" (طبعاً بما يسبب حالة من القلق والضغوط النفسية الكبيرة على البنت المصرية وأظن هذا هو ما أشارت إليه نرمين في كلامها عن الضغوط النفسية والاجتماعية).

آخر كلامي إن البنت المصرية من سيء إلى أسوأ ولا ينبغي لها أن تنزعج من إقبال الشباب المصري على الارتباط بغير المصرية لأن الثانية ليس لديها كل هذا الإرث الكبير من "الخرافات" التي تحدثت عنها أعلاه.

لماذا لا تطالبني خطيبتي الأجنبية بكتابة "القايمة" على نفسي وتطالبني بها المصرية؟ سؤال مهم ويا ريت تطرحوه على أبائكم...

Nour said...

مش هانكر يا علاء إن كلامك صح لدرجة كبيرة

و لكن

برضه هاقولك متقدرش تعمم.. يعني أنا "شخصيا".. منكرش ان الفلوس حاجة مهمة.. لكنها مثلا بالنسبة لي مش أول ولا تاني ولا تالت حاجة.. و ده رأيي و رأي معظم صحباتي..

و في رأيي إن دي حاجة لا تلام عليها البنت فقط و لكن يلام عليها الي ربوا بنت فطلعت بمفهوم الفلوس و بس.. الأهل يا علاء هما مفتاح الموضوع ده.. ما هو مش معقول الأم ولا الأب يفضلوا طول النهار في ودانها "لازم يبقى عنده..لازم يجيب.." و البنت متتأثرش

لو بندور على حل يبقى نبدأ من عقلية الناس اللي فوق الأول

بعدين برضه الأجنبية مش نعمة قوي برضه.. كل حاجة و ليها بلاويها ..:D

و بالنسبة لموضوع القايمة ده فأنا مبقتنعش بيه من أصله و مأذكرش ان حد من قرايبنا مثلا عمله..

كلامك يا علاء مبينلي -لو تسمحلي طبعا- إنك مقروص جامد قوي من "واحدة" مصرية.. بالتشديد على كلمة واحدة دي لأن لسة فيه أهل بيربوا صح.. و بنات محترمين بجد.. يمكن إنت حظك موقعكش في واحدة فيهم.. بس لو دورت هتلاقي سدقني :)

Anonymous said...

Believe me many many girls are looking for the real thing...and many families too, as I really believe it is a family issue rather than the bride to be...it is just sometimes we stumble in the wrong person.

ROMANTIC ROSE said...

البلوج زي العسل بجد .. و هتابعه ان شاء الله .. الحب جميل للي عايش فيه .. له الف دليل اسألوا نور عليه .
:)

Nour said...

يا ست رومانتيك روز هانم ده يسعدني و يشرفني يا فندم :)

و النبي ده باب النجار مخلع

اللي كاتبة الكلام ده (حضرتي طبعا) ولا عمرها شمت ريحته أصلا
:D

بس تقدري تقولي نوع من الوحم

looool :D:D

Anonymous said...

ما اهو احنا كدا صح
يعني احنا بنعيش الأول وبعدين نحب
الحب الصحيح والصادق هو اللي بتركب علينا مش احنا اللي بنركب وش على الحب
الكلام
دا مش كيميا
بس لونفكر صح
لونحس صح هنلاقي الحب الحقيقي
الحب اللي يعيش ويانا ايامنا
اللي يساعدنا عشان نحقق أحلامنا
الحب اللي بييجي من غير شروط / من غير ترتيب / من غير اختيار مبني عل اللون والطول والعرض
من غير خوف من بكرةاللي مش بايدينا
الحب اللي يجمع قلبين مش هو ابدا الحب اللي بقلى يجمع قلب وصورة مرسومة منتقاه من اوسم عشرة واجمل شفايف و...
لآنالحب هواللي بيصنع الجمال
عشان كدا احنا حاسين بكلامك
وانا متأكد انك عاشقة
بطبعك
لأنك عشقت التفاصيل البسيطة في العلاقة
وحبيت في حبيبك الخيالي انه زي اي حد انه من الناس وعشان كدا انتي حبيتيه

fatheemam@hotmail.com

ahmedanas said...

بصراحه كلام بسيط و جميل جدا جدا
و هأوقول على حاجه ان نفس الحاجات اللى بتخليكى تحبيه دى حاجه بتحسسه انه هو بيحبك يعنى مثلا انتى متتخيليش سعادتى و احساسى بحبى لحبيبتى لو انا حطيت الجاكيت بتاعى عى كتفها و الدنيا بتشتى بجد ساعتها هحس انى حبها اوى وفرحان اوى
(الكلام ده محصلش معايا بس يا رب يحصل هههههههههه)

ahmedanascom@yahoo.com

Anonymous said...

Cool blog, interesting information... Keep it UP Financial planning hardee county tooth whitening Asbestos cancer lawyer attorney mesothelioma law11 Drug schedule ultram evista xenical 3t dress holiday Sport facility safety checklist http://www.thong-ass-4.info pay per click advertising Chevrolet avalanche roof racks car cover http://www.cialis-for-order-3.info malpractice Pictures mazda rx 8 Area rugs children. Medication to treat obssesive compulsive disorder Pill photographs oxycontin generic gps car navigation verizon wireless phone plans

Anonymous said...

بجد بجد بجد
تبارك الخلاق
ماشاء الله علي احساسك
ماشاء الله علي مشاعرك
ماشاء الله ع الرومانسيه ال بقت عامله زي العمله النادره دلوقتي
لا دي كمان زي الديناصورات صناعيه مش طبيعيه
بجد ربنا يحفظك اسمحيلي اخد كلامك باسمك وهرد عليه علي موقعي
www.givns.com
واتمني تشجعيني اكتب في البلوج بتاعي اصل محدش مشجعني
جوايا كلام كتير بس مين يشجع
؟
:D رمضان كريم

مونتي بوكيه ورد said...

نسيت دا كما البلوج بتاعي يارب يعجبك
http://montanacrazyheart.blogspot.com/

Hala Hussien said...

بجد انتي تحفه

كلامك فعلا حلو مووووت و بسيط اوي و ده احلي حاجه فيه

تسلم ايدك يا قمر

:)