Tuesday, August 23, 2005

موزاييك


"أحلى حاجة الواحد يصحى و ماوراهوش أي حاجة"

******************

"بابا.. عايز العيش سخن ولا ساقع؟"-
"..لأ أنا عايز نص رغيف"-

******************
النهاردة"-
أنا طول النهار باسمع (كان فيه فراشة سوغنططة) و (سوسة كف عروسة) و (جدو)... بس ملقتش (أنا أنا أنا ابريق الشاي)"0
"..معلهش يا حبيبتي.. حالة إرتداد بسيطة للطفولة"-

******************
"و عملتوا ايه بعد ما مشيت؟"-
"..أبدا يا بنتي.. جيه بس متكلمش معايا ولا كلمة.. بس كل صحابنا قالولي إنه كده يبقى أكيد معجب بيا"-
".........."-

******************

"أنا رايحة بكرة أطلع بطاقتي الانتخابية"-
" إلا انتي هتنتخبي مين صحيح يا نوران؟"-
"..بجد لسة معرفش.. بس يمكن نعمان جمعة"-
" مين ده!؟..."-
ده.. ده راجل طيب قوي".. (إنفجار في الضحك)00 "-

******************

"مش بيقولوا هيفاء وهبي اتخطبت؟!"-
"لا والله؟ و مين...... ممم سعيد الحظ اللي خطبها؟!"-
"..واحد سعودي... جابلها شبكة بسبعة مليون دولار"-
".. و ماله.. مش عيب.."-
"..ولا حرام"-

******************

"..ريهام.. ما تيجي ننزل الجيم شوية انهاردة"-
"..لأ يا نوران مش قادرة"-
**
"..نوران.. ما تيجي ننزل الجيم شوية انهاردة"-
"..لأ يا ريهام مش قادرة"-

*******************

"...كل مرة بشوفك فيها بابقى نفسي آه... آه... طب آه..آه.. زغرطي يا أمو صلااااااح.. أيوووة يا منطشقة"-
.أنا و أمنية و إنجي في كنبة العربية و احنا راجعين من الأزهر بارك

******************

" هو طويل ولا قصير؟"-
".. هو زي القمر.."-

******************
"..بصي سما مطروح مبدورة نجوم إزاي.. القاهرة مش كده"-
" ..أيوة.. القاهرة مفيهاش نجوم"-

******************

" ..ماما.. أنا نفسي أجيب قطة"-
"..اسكتي.. القطط بتجيب مرض يخلي البنات ميخلفوش"-
"... بس أنا نفسي في قطة.."

******************
"فاتورة الكهربا جت.."-
"كام؟!"-
"160 جنيه"-
" ..الله يخرب بيوتهم"-
******************
"-
أنا لو في يوم فكرت أتجوز واحدة عشان بنت أصل و بنت عيلة و متدينة, و هتصوني و تصون بيتي.. و حساسة من جوه.. هتكوني من
"..أول إختياراتي
"..............."-

"..بس أنا الحقيقة مبفكرش لا في جواز ولا خطوبة دلوقتي"-
".............."-

******************
"..آىىىىىىى.. الكمترى دي فعلا خشابي"-

******************
..الساعة 4 الفجر.. قاعدة لوحدي و باسمع (يا مسافر وحدك) و بفكر فيك-

!أنا مجنونة؟

******************
..ليه تبعد عني"
..ليه تبعد عني
"..و تشغلني

******************
..النهاردة كتبتلك أربع جوابات و قطعتهم كلهم
بعدين بعتلك تلغراف كلمة واحدة

"إرجعلي"

******************

..ياللا و على رأي عم منير
..آه يا خطوة آه يا شاردة
..بكرة مش زي النهاردة
..سلامات يا صحابي

25 comments:

Eve said...

هذه المرة أنا سأطلب إضافة اللينك بتاعك إلى مدونتي :-)

Nour said...

تؤمريني يا قمر :)

سيكون شرفا لي طبعا :)

وليد said...

بسيطه ورائعه

وعميقه


مش عارف ازاى

Ahmed Shokeir said...

هاموت واعرف ايه احساس خطيب هيفاء وهو ماشى معاها
على فكرة خطيبها اسمه رجب وإفهموها بأه
نوور بلوج جميل ماتغبيش علينا بمدونات تانيه

santakarim said...

ummm, i thought ur last post was exceptional, but ur posts still impress me a lot :-)

Nour said...

خربانه والحمد لله ,

ربنا يخليك ده بس من ذوقك

Ahmed Shokeir

بيتهيألي مش حضرتك بس ..أظن الرجالة كلهم نفسهم برضه :P

& santakarim,

Thx a lot bgad, keep on coming & commenting w mate2ta3sh el gawabat :)

Thank u all 4 dropping by.. I realy appreciate it :)

Lasto-adri *Blue* said...

يامسافر واحدك.. وفيتنى

الأغنية دى ساعا بتخلينى أبكى ومن غير سبب
نور.. أنا عندى ليك سؤال.. هو إنت فى
cultural workshop
ولا أنا بيتهيألى؟

Nour said...

Lasto-Adri,
I just love the song bgad..It's marvellous..

Regarding the workshop, yes I'm a new participant..bas I'm not "Nour", actually I was gonna register with it bas I found it taken..

I'm "Dark Angel" there..

Nour said...

Shaklek men moshage3y el anta7'a zayee ya bavalova :D

Lasto-adri *Blue* said...

أنا بلولو هناك يا نور..
وطلعنا معرفة
:)

Nour said...

صغيرة الدني على رأي سي عاصي الحلاني يا بلو

:)

Ghada said...

هممم .. ده بلوج جامد وأنا مكنتش واخدة بالي على كده..
يا بنتي إنتِ اكتشاف! .. اعذريني يا نور لو اتأخرت في زيارة بلوجك .. بس إنتِ عارفة اللي فيها أكيد.

أسلوبك بيأسرني .. كل تفصيلة من تفصيلاتك بتدي للنص طعم أصيل قوي ..وإوعي تبطلي كتابة ..

سؤال أخير معلش .. هو إنت
dark angel
اللي كانت في الـ
forum
بتاع الـ
okshows?

Nour said...

A7'eeeeeeeeeeeeeeeeran ya Ghada?!
Dana kont 2arabt afked el amal 7'alas..:)

Merci ya gamila 4 ur nice words..b3d ma 3andokom ya fandem..:)

Regarding the okshows thing,it's not me sara7a..

Ghada said...

احم احم .. إيه الاحراج اللي أنا فيه ده!
باكرر اعتذاري يا نور عشان التأخير،إنتي عارفة إني ماقدرش أتأخر عليكي طبعا..

بخصوص الـ
okshows
أنا سعيدة لإنك طلعتي سميعة
fm
:)
اكتبي تاني يا بنت .. ليكي حاجات متميزة بجد في البلوج ده..

Hany Mihanny said...

مش عارف متعودش امدح لكن اعمل ليه ماباليد حيلة ياستي
هايلة التدوينة ..الاسلوب بسيط ..والقطعات حاده جدا
كملي واسمحيلي اني اتابعك
تحياتي

Aladdin said...

أؤيد كلام غادة! باين عليك "إنسانة" رقيقة المشاعر وواضح في كل كلمة تكتبينها! فعلاً القاهرة "بلا" نجوم لكنها في كل مصر من أول الطريق الصحراوي وحتى أسوان - بعيداً عن "أضواء المدينة".

تصوري حركتي حاجة جوايا تجاه البنت المصرية التي كفرت تماماً بأنها ممكن تكون "بني آدمة"!! أنا آسف لهذا الكلام الذي قد يجرح البعض، بس شكراً على كلماتك الرقيقة والمليئة بالصدق في هذا العالم الزائف .. جداً.

محمد هشام عبيه said...

هممم..يبدو أني صرت كسولا لأقصى حد..نائما في العسل ولا أدري أن هناك حياة أخرى في المدونات..
كضيف يطل سريعا ولأول مرة على مدونتك..لم أقرأ إلا موازييك ..وهو ما كان كافيا حتى أضيف المدونة إلى favorites ..
إذا عصر الناس المدونات من أجل أن يخرجوا منها بقيمة واحدة فقط..فيكفيها أنها جعلت طاقات البشر المستخبية تنساب وسط الصفحات..طاقات البشر التي ربما كانو لايعرفون أنها موجودة بداخلهم..بس جوة شوية
نورتي يانور القمر

Anonymous said...

Aladdin: extremely tough words...leih el bent el masreya mesh banyadma?!! you ever tried to analyze her...or understand the pressure and social burden on her?!! let's discuss this if you don't mind.

Nour said...

y.mejahed,
ربنا يخليك..و ده شرف ليا طبعا انك تتابعني

aladdin,
ميرسي على كلامك ليا.. بس أنا بالنسبة للجزء التاني من كلامك مش حابة حتة التعميم..يعني ماينفعش ناخد واحد أو واحدة بعينهم و نقول دول مثلا بيعبروا عن الجنس البشري ككل

..أتمنى إنك تغير فكرتك دي قريب


محمد هشام عبيه ,

ميرسي بجد..و ده نورك يا فندم :)

-----------

بعدين واضح إن نرمين ناوية تفتح النار.. ربنا يستر

:)))))

Anonymous said...

لا يا نونو مافيش فتح نار ولا حاجة" مش طريقتي خالص"..و خصوصا مع علاء الدين...بالعكس المناقشة معاه مفيدة جدا...بس اتخضيت من جملته قوي..و عايزه أفهم بس مش أكتر :))

Aladdin said...

شكراً يا نور على الرد الهادئ الذي توقعته، لا تنزعجي فنيرو مدونة وصديقة عزيزة قبل أي شيء. أعرف أن كلماتي كانت قاسية، بل لعلي أندم على كتابتها على الملأ لأنها خبرة شخصية إلى حد كبير، لكن هذا لا ينفي أن "الشخص" الذي اضطررت إلى التعامل معه تسبب في تكوين هذه الفكرة (التي أعرف أنها لن تروق للكثيرين). المثير للدهشة أن خبرتي هذه ليست "الاستثناء" بل أضحت "القاعدة" بشكل مثير للقلق، ويكفي أن نقارن بين المرأة المصرية أيام أمهاتنا وبين البنت المصرية اليوم لنعرف الفرق .. الفاجع!

Anonymous said...

المقارنة صعبة قوي يا علاء...الظروف أختلفت..و علي فكرة المضحك في الموضوع ان البنات بيقولوا نفس الكلام علي الولاد.."ده عايزني أعمل و أسوي" و هو و لا هنا كل همه أنا هجيب ايه و هو هيعمل ايه و حاجات كده..و جواها بأه "كان نفسي يبقي زي بابا" بس أصل الناس دي مالهاش زي خلاص..تجاربنا الشخصية سابت أثار جامدة..و مش عارفين نخلص منها..و طبيعي انها تؤثر علي رأينا..

Hamed said...

جميلة يا نور ، مختارة لحظات في غاية الروعة و الدقة ، كمترى خشابي :))
أنا شايف موزايك قصة كاملة ، بس لو إتحذف منها الجمل التقريرية زي وإحنا راجعين من الأزهر بارك مثلا ً .. بس بعيد عن الأشكال و القوالب و كده ، إنتي عينك حساسة قوي للتفاصيل الصغيرة ، وده هيفيدك قوي قدام إن شاء الله ، حاولي بس تنمي ده ، وتخلينا نقرالك على طوووووووول ..
D:

Nour said...

ربنا يخليك يا حامد و ميرسي لمرورك
:)

متبقاش تغيب تاني كده بقى :)

Anonymous said...

anatomical merchantable shooter ourselves objectsfile passionate shortlist infringing expire dwivedi newcastle
semelokertes marchimundui