Friday, February 27, 2009

في بيت العرايس

في بيت العرايس.. الحيطان بمبي، والفرش بمبي، والقلوب بمبي.. ا
ا
في بيت العرايس.. الشمس بتنشن على شباكهم، وتتسحب من بين شقوق الشيش تزغزغهم وتصحيهم بحنيَّة، ويستغربوا.. يستغربوا هما الاتنين لمّا حد يقولهم إن الدنيا كانت مغيمة على شباكه النهارده.. ا
ا
في بيت العرايس.. كل حاجة بتّضَحّك؛ الكيكة المحروقة، والهدوم اللي بتضيق حبة حبة، والبطانية المنشورة على الحبل ومش راضية تنشف.. ا
ا
في بيت العرايس.. القمر بيطلع يونسهم بالليل، يرمي عليهم شوية فضة وهو بيقولهم "تصبحوا على خير" قبل ما يقفلوا الشيش، بعدين يديهم ضهره المنوَّر عشان يداريهم عن عيون بقية الدنيا.. ا
ا
في بيت العرايس.. فيه فراشات خفية، وورد تحسه بقلبك، وفرحة معششة..ا

3 comments:

روز said...

وهذه هي النظرة للأمور بزاوية مختلفة ..
أحييكِ :)
..
شكرا لعودتك للألوان، وللكتابة مجددا، بعدما ظلت المدونة صامتة لمدة..
شكرا :)
***
بي إس: عبد الحليم بيغني دلوأتي: "أديكي عمر بحاله يا بوي تديني إنتي الفرحة يا عين"..!ا

Nour said...

لا شكر على واجب يا فندم :))
بس على فكرة هي مش زاوية مختلفة ولا حاجة.. دي بس توابع زيارة لبيت واحدة صاحبتي لسه متجوزة جديد
:))
***
ردا على البي إس.. المهم العين ترضى يا حنين!!!ا

كأنني أنا said...

بيت العرايس.. بيت من سكر

:)))

حسيت كأني انا اللي زرتها يانور الجمال والفرح

تحياتي